Ordu.az xəbər verir ki, ötən ay Almaniya Konstitusiyasının 75-ci ildönümü ilə əlaqədar Berlində keçirilən demokratiya festivalında ölkənin Silahlı Qüvvələri “Bundeswehr”in stendi beş nəfərlik heyətlə əhatə olunub.

Almaniya 2022-ci ildə Rusiyanın qonşusu Ukraynaya hərtərəfli hücuma başladığı zaman kansler Olaf Şolts tərəfindən elan edilən müdafiə sahəsindəki “dönüş nöqtəsi” “Zeitenwende”nin iki ilini geridə qoyub.

O vaxtdan bəri Almaniya müdafiə xərclərini milyardlarla dollar artırıb.

Lakin yeni təchizat və yeni döyüş sursatı ilə müqayisədə daha az diqqət çəkən məsələ insan qüvvəsi məsələsidir.

181.000 fəal əsgəri olan Almaniya ordusu hazırkı missiyalarını yerinə yetirmək üçün ehtiyac duyduğu əsgər sayından ən azı 20.000 əsgər azdır.

Britaniya son on ildə hər il orduya əsgər qəbuletmə hədəflərinə çata bilməyib və onun quru qoşunları ötən il 4000 əsgər itirib.

203,850 kişi və qadın əsgəri ilə Avropanın ən böyüyü olan Fransa Silahlı Qüvvələri hələ də lazımi sayda deyil, generalların bildirdiyinə görə, 2014-cü ildən bu yana 8 faiz azalıb.

İtaliyada on il əvvəl 200.000 olan ordu sayı bu gün 160.900-ə düşüb.

Sevinc Əliyeva
Ordu.az