"Fransa" sözünə uyğun 1233 nəticə tapıldı!

Fransalı analitik: “NATO sammiti ortaq düşmənin olmaması səbəbindən tam uğursuz olub”

2019/12/10774-1575539029.jpg
Oxunub: 508     15:30     05 Dekabr 2019    
Londonda NATO-nun 70 illik yubileyi münasibətilə keçirilən sammiti başa çatıb. İki gün davam edən sammit liderlər arasında toqquşma ilə yadda qalıb və birgə siyasətlə bağlı fikir ayrılıqları ortaya çıxıb.

Beynəlxalq münasibətlər üzrə fransalı analitik Xavier Morea qeyd edib ki, NATO-nun hazırkı problemi ortaq düşmənin olmamasıdır.

“Problem budur ki, NATO özünün əsas düşmənidir. Tarixdə ilk dəfə fərqli üzvlərin fərqli düşmənlərinin olduğu bir hərbi ittifaq var. Fransa, İsveç, Almaniya və Britaniya üçün əsas düşmən terrorizmdir. ABŞ üçün də demək olar ki, eynidir. Əlbətdə ki, Vaşinqton ortaq düşmənin Rusiya olmasını istəyir, amma Almaniya bunu istəmir və Makron bunu istəmir. Beləliklə, bu NATO sammitinin tamamilə uğursuz olmasının səbəbi ortaq bir düşmənin tapılmamasıdır”, - deyə o bildirib.

Moreanın sözlərinə görə, Rusiyaya məxsus silahların Türkiyəyə satılması ABŞ üçün ikiqat problem yaradır.

“ABŞ ordusunun hədəflədiyi ilk şey silah satmaqdır. Bu, məsələn, Türkiyə kimi müttəfiqin ordularına nəzarət etmək üçün bir yoldur. Ancaq indi Türkiyə kimi bir ölkə potensial olaraq NATO təyyarələrini məhv etmək üçün aldıqları silahdan istifadə edə bilər. Əlbəttə, bu, NATO üçün və hətta ABŞ üçün yaxşı bir şey deyil”, - deyə analitik bildirib.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: Fransa   NATO