Ordu.az xəbər verir ki, "Joğovurd" qəzeti dünən sözügedən hadisədən bəzi detalları üzə çıxardıb.

Belə ki, fevralın 12-də Ermənistanın Müdafiə naziri Davit Tonoyan yeni il gecəsi aldığı güllə yarasından ölmüş müqaviləli hərbi qulluqçu Edqar Qriqoryanın işinə toxunarkən deyib: "Müdafiə nazirliyi onu nə gizlətməyə, nə də ört-basdır etməyə hazırlaşmır və bu illərlə davam etməyib. Hazırda biz bunun nə ilə bağlı olduğunu aydınlaşdırmaq üçün kiçik istintaq xidməti həyata keçiririk. Hadisənin xidmətlə bağlı olmadığını nəzərə alsaq, biz sözsüz ki, bu məsələyə böyük diqqət göstərməmişik".

Xatırladaq ki, hadisə haqqında məlumat gizlədilmişdi. Yalnız KİV-lərdən birinin sualı nəticəsində Ermənistan MN hərbçinin ölüm hadisəsini təsdiqləyib. Hadisə ilə əqadədar İstintaq Komitəsində Ermənistan Cinayət Məcəlləsinin 110-cu maddəsinin 1-ci hissəsi ilə (intihar hədinə çatdırma) cinayət işi açılıb.

Lakin hərbçinin yaxınları onun intihar etdiyinə inanmırlar. Bəs, həqiqətdə nə baş verib? "Joğovurd" qəzeti hərbçinin ölüm hadisəsindən bəzi detalları ortaya çıxarıb. Məlumatlara görə, yeni il gecəsi hərbçilər içkili olublar. Eduard Qriqoryan və digər hərbçilər arasında yüngül mübahisədən sonra dava başlayıb. Sonra isə Eduard Qriqoryanın cəsədi tapılıb.

Bu gün istintaq orqanı anlamağa çalışır ki, doğrudanmı davadan sonra Eduard Qriqoryana atəş açıblar, yoxsa hadisədən sonra intihar edib və ya bəlkə, dava nəticəsində silah təsadüfən açılıb.

Alpər Mövludoğlu
Ordu.az