Ordu.az “Business Insıder” nəşrinə istinadən xəbər verir ki, şirkət hələ istifadə edilib edilmədiyi məlum olmayan 15 silah prototipi barədə məlumat yayımlayıb.
1. “Konsept Təyyarəsi” dronu: Pilotun mərkəzdə oturduğu və ətrafında 8 pərdən istifadə olunan bu dronun necə istifadə ediləcəyi məlum deyil.
2. Zirehli hücum qayığı: Bu silahın Rusiya Xüsusi Əməliyyat Qüvvələrində istifadə ediləcəyi gözlənilir. O, 400 dəniz mili mənzilindədir və nəzarət üçün PUA-larla dəstəklənir.
3. “Tourist” zirehli maşını: Səhrada fəaliyyət göstərmək üçün hazırlanmış avadanlığın yuxarı hissəsinə avtomatik tüfəng yerləşdirilib.
4. REX-1: Şirkətin verdiyi məlumata görə, bu silah elektron dalğaları kəsərək dron və digər bütün elektron alətləri istifadəsiz hala gətirir.
5. Zala 421-16E2: 22 mil hündürlükdə fəaliyyət göstərə bilən video nəzarət PUA-sıdır.
6. “Izh” motosikleti: Yüksək sürətli bu motosikletin Putinin qoruyucu komandasında xidmətə veriləcəyi gözlənilir.
7. Elektrikli motosikletlər: Moskva polisi tərəfindən istifadə ediləcək.
8. “Igorek” robotu: Mühəndislik və döyüş problemlərini həll edəcək.
9. Xüsusi maşın: Bu silah xüsusi mühafizə edilmiş kabin və polad örtüklə təmin edilib. Rusiya polisi tərəfindən istifadə edilməsi gözlənilir.
10. Səssiz elektrik velosipedi: Rusiya Xüsusi Əməliyyatlar qrupunun axtarış əməliyyatları və reydləri üçün nəzərdə tutulub.
11. Süni zəka idarəetməli silah: Bu silah hədəfləri müəyyən edərək hansının prioritet olduğuna qərar verir və heyvanlar kimi təhlükəli olmayan hədəfləri məhv etmir.
12. Xüsusi jiletlər: Bu jiletlər düşmənin hərbçilərin yerini müəyyən etməsinə icazə vermir.
13. “Uran-6 kompleksi”: Bu avadanlıq minaların müəyyən edilməsində istifadə ediləcək.
