Ordu.az xəbər verir ki, bu barədə Avropa Komissiyasının mətbuat xidməti məlumat yayıb.

Danışıq zamanı Rusiyanın Ermənistandan idxal olunan bir sıra məhsullara, xüsusilə meyvə, tərəvəz, gül və konyak məhsullarına tətbiq etdiyi məhdudiyyətlər müzakirə olunub.

Fon der Lyayen Moskvanın bu addımlarını “iqtisadi məcburetmə” adlandıraraq qəbuledilməz hesab etdiyini bildirib.

“Erməni məhsullarının ixracına qoyulan məhdudiyyətləri genişləndirməklə Moskva iqtisadi münasibətlərdən siyasi təzyiq vasitəsi kimi istifadə edir. Biz bu yanaşmanı yaxşı tanıyırıq. Məhz buna görə Avropa Ermənistanın yanında möhkəm dayanır”, - deyə Avropa Komissiyasının Prezidenti vurğulayıb.

O həmçinin Avropa İttifaqının Ermənistana 50 milyon avrodan çox təcili maliyyə yardımı təqdim edəcəyini açıqlayıb.

Fon der Lyayenin sözlərinə görə, dəstək bununla məhdudlaşmayacaq və bəzi erməni məhsullarının, xüsusilə kənd təsərrüfatı məhsullarının ticarətinin asanlaşdırılması istiqamətində də addımlar atılacaq.

Alpər Mövludoğlu
Ordu.az