" Texnologiya " sözünə uyğun nəticə tapıldı!

"Texnologiya" - (500 )

Hindistanın A-SAT sınaq missiyası barədə bilməli olduğumuz hər şey

2020/02/89089-1582353334.jpg
Oxunub: 1040     14:34     22 Fevral 2020    
Keçən il Hindistan hökuməti Müdafiə Tədqiqatı və İnkişaf Təşkilatı ilə birlikdə ölkənin ilk uğurlu peyk əleyhinə raket eksperimenti “Şakti Missiyası”nı həyata keçirdi. Konsept texnologiya Odişadakı Əbdül Kəlam atış kompleksindən buraxıldı. Baş nazir Narendra Modinin elanından qısa müddət sonra Xarici İşlər Nazirliyi də məsələ ilə bağlı bəyanat yaydı və sınağın plan üzrə baş tutduğunu, olduqca uğurlu keçdiyini bildirdi.

Missiyanın mahiyyəti bundan ibarətdir ki, Tamamilə DRDO-nun yerli şəkildə istehsal etdiyi texnologiya ilə təchiz edilmiş raket uzaq kosmosda süni peyki zərərsizləşdirməli idi. Bununla da Hindistan ABŞ, Rusiya və Çindən ibarət kosmik dövlətlər qrupuna qoşulmuş oldu.

İstifadə edilən raket DRDO-nun Ballistik Raketdən Müdafiə (BRM) raketi idi. Bəyanatda bildirilib ki, o, hazırda davam etdirilən ballistik raketdən müdafiə proqramı çərçivəsində əldə edilib. Ekspertlərin fikrincə, missiya zamanı vurulan peyk isə Hindistanın mövcud peyklərindən olan “MicroSAT-R” olub.

Missiyadakı raket və peyklə mübarizə texnologiyası tamamilə yerli məhsul olub və bu Hindistan üçün bir ilkdir. Hindistanın kosmos proqramı xüsusilə son beş il ərzində sürətlə böyüməkdə və genişlənməkdədir. Bu böyümənin ilk uğuru Marsa missiyanın göndərilməsi olmuşdu və 2021-ci ildə daha bir belə missiyanın başladılması gözlənilir.

Hindistan 2012-ci ildə peyk əleyhinə raketin əldə edilməsi üçün lazımı texnologiyanı əldə etdiyini elan etmişdi. Həmin vaxtdan etibarən bu imkanlara sahib ballistik raketlər sınaqdan keçirilsə də, “Şakti Missiyası” Hindistanın bir peyki zərərsizləşdirə bildiyi ilk haldır. Hər hansısa kosmik dağıntının olmayacağından əmin olmaq üçün sınaq aşağı atmosferdə həyata keçirilib. Yəni əgər hər hansısa bir qırıntı və ya maddə meydana gəlibsə, bir neçə həftə ərzində yerin səthinə enəcək.

Dəyanət Ağalarlı
Ordu.az

© Materiallardan istifadə edərkən hiperlinklə istinad olunmalıdır


Teqlər: Hindistan   Kosmos   A-SAT