Ordu.az xəbər verir ki, bu barədə xarici KİV-lər məlumat yayıb .

Silah tədarüklərinin yenilənmiş siyahısı haqqında məlumat verən iki ABŞ rəsmisi Bayden administrasiyasının Qəzzadakı müharibənin başlamasından bu yana İsrailə 10000-dən çox dağıdıcı bomba və minlərlə “Hellfire” raketi də daxil olmaqla, çoxlu sayda sursat göndərdiyini deyib.

Açıq danışmağa icazəsi olmayan rəsmilərin sözlərinə görə, döyüşün başladığı ötən ilin oktyabr ayından son günlərə qədər ABŞ ən azı 14000 ədəd MK-84 bombası, 6500 ədəd dağıdıcı bomba, 3000 ədəd “Hellfire” dəqiq idarəolunan “hava-yer” bombası, 1000 ədəd sığınacaq dəlici bomba, 2600 ədəd havadan atılan kiçik çaplı bomba və digər sursatları göndərib.

Sevinc Əliyeva
Ordu.az