Ordu.az “National Interest”ə istinadən xəbər verir ki, bu barədə ABŞ HHQ rəsmiləri məlumat verib.

Məlumata görə, gücü 100 kilovata çatacaq lazer silahlarının ilk sınaqları 2021-ci ildə həyata keçiriləcək. Silah tədqiqatçıları, həmçinin silahların hədəfi daha rahat izləməsi üçün bələdçi mexanizmlər üzərində də işləyirlər.

HHQ rəsmilərinə görə, silahlar əvvəl C-17 və C-130 kimi iri platformalarda, müəyyən kiçiltmə işləri aparıldıqdan sonra isə F-15, F-16 və F-35 qırıcılarında sınaqdan keçiriləcək.

Qeyd edək ki, yeni lazer silahları daha az xərclə, daha yüksək effektivliyə malik olmağa imkan verəcək. Çünki, bir təyyarədən 6 və ya 7 raket atmaq yerinə, yüksək enerjili bu silahlar vasitəsilə minlərlə atış həyata keçirilə biləcək. Bundan əlavə lazerlər yaxınlaşan düşmən raketini partlayışa səbəb olmadan əritmə bacarığına malik olacaq.

Ağalar Ağalarlı
Ordu.az