Ordu.az xəbər verir ki, bu barədə “Politico” qəzeti Tramp administrasiyasının iki rəsmisinə və danışıqlar barədə məlumatlı diplomata istinadən məlumat yayıb.

Məlumata görə, Donald Tramp cümə axşamı ABŞ-nin cümə gecəsi İrana “çox güclü” zərbələr endirəcəyini bəyan etmişdi. Lakin daha sonra bombardmanların ləğv olunduğunu açıqlayıb.

Nəşrin yazdığına görə, Trampın bu qərarına Fars körfəzi və Cənubi Asiya ölkələrinin liderləri ilə apardığı telefon danışıqları təsir göstərib.

“Prezident Donald Tramp cümə axşamı səhər İrana qarşı “bu gecə çox güclü zərbələr” endiriləcəyi barədə paylaşım etdikdən sonra Fars körfəzi və Cənubi Asiya ölkələrinin liderləri onu bu addımdan çəkindirmək üçün zəng ediblər. Onlar Trampa ilkin razılaşmanın artıq faktiki olaraq çox yaxın olduğunu bildiriblər”, - deyə “Politico”nun məlumatında qeyd olunub.

Mənbələrin sözlərinə görə, həmin rəsmilər İranla sazişin bağlanmasının mümkünlüyünü vurğulayaraq Vaşinqtonu hərbi əməliyyatlardan çəkinməyə çağırıblar.

Sevinc Əliyeva
Ordu.az