Ordu.az xəbər verir ki, bu barədə “Tasnim” agentliyi məlumat yayıb.

Onun sözlərinə görə, danışıqlar prosesində vasitəçilər, yəni Qətər və Pakistan fəal iştirak edirlər. Eyni zamanda Bəqayi bildirib ki, ABŞ-nin hərəkətləri diplomatik prosesə təsir göstərir və onun gedişini çətinləşdirir.

İran Xarici İşlər Nazirliyinin nümayəndəsi qeyd edib ki, danışıqlar ətrafında yaranmış vəziyyət əvvəldən Tehran üçün kifayət qədər aydın olub və mümkün saziş mətninin böyük hissəsi artıq razılaşdırılmışdı. Lakin onun iddiasına görə, ABŞ tərəfi məsləhətləşmələr zamanı öz mövqeyini dəfələrlə dəyişib.

Bəqayi vurğulayıb ki, İran prinsipial “qırmızı xətlər” hesab etdiyi məsələlərdə güzəştə getmək niyyətində deyil.

Vaşinqton və Tehran arasında guya razılaşmanın əldə olunması ilə bağlı yayılan çoxsaylı xəbərlərə münasibət bildirən nazirlik nümayəndəsi qeyd edib ki, bu cür məlumatlar fərziyyə və spekulyasiya xarakteri daşıyır.

“Bu günə qədər İran sazişlə bağlı yekun qərar qəbul etməyib”, - deyə diplomat vurğulayıb.

Bundan əlavə, Bəqayi bildirib ki, ABŞ-nin fəaliyyəti səbəbindən Hörmüz boğazı bölgəsində vəziyyət daha az təhlükəsiz olub.

Sevinc Əliyeva
Ordu.az