Ordu.az xəbər verir ki, bu barədə ABŞ Prezidenti Donald Tramp Oval kabinetdə jurnalistlərlə söhbəti zamanı açıqlama verib.

Tramp bildirib ki, onun əldə etdiyi məlumata əsasən, İran rəhbərliyi sazişə müsbət yanaşıb.

“Bildiyim qədərilə cavab müsbətdir, yəni bəlidir”, - deyə ABŞ Prezidenti qeyd edib.

O həmçinin vurğulayıb ki, sazişin yekun mətni razılaşdırıldıqdan sonra ABŞ İran limanlarına tətbiq olunan dəniz blokadasını dərhal aradan qaldıracaq.

“Bundan sonra neft qiymətləri daş kimi aşağı yuvarlanacaq”, - deyə Tramp bildirib.

ABŞ Prezidenti son saatlarda İranla sazişin imzalanmasına çox yaxın olduqlarını dəfələrlə vurğulayıb və sənədin əsas müddəalarının artıq razılaşdırıldığını iddia edib.

Bununla belə, İran hakimiyyəti hələlik Trampın səsləndirdiyi bəyanatları açıq şəkildə təsdiqləməyib.

Sevinc Əliyeva
Ordu.az