Ordu.az xəbər verir ki, bu barədə “Fars” agentliyi məlumat yayıb.

İran mənbələrinin bildirdiyinə görə, raket buraxılışları ölkənin cənub regionlarının ərazisindən həyata keçirilib.

Hədəflərin dəqiq harada yerləşdiyi açıqlanmasa da, bəzi məlumatlarda hadisələrin Fars körfəzi akvatoriyası ilə bağlı ola biləcəyi qeyd edilir.

Bir sıra KİV daha əvvəl Buşəhr və Hörmüzqan əyalətlərində partlayışlar baş verdiyini yazsa da, yerli araşdırmalar həmin bölgələrdə partlayış faktını təsdiqləməyib.

Məlumatda həmçinin qeyd olunub ki, səhər saatlarında Bəndər Abbas rayonunun şərq hissəsində baş vermiş pozuntuya cavab olaraq hücumun həyata keçirildiyi nöqtəyə qarşı cavab zərbəsi endirilib.

Rəsmi qurumlar əlavə təfərrüatları açıqlamayıb və dəqiqləşdirilmiş məlumatların daha sonra təqdim ediləcəyini bildiriblər.

Sevinc Əliyeva
Ordu.az