Ordu.az xəbər verir ki, şirkət hazırladığı hava platformalarını izləyicilərə təqdim edir.

Müəssisə tək və çox rotorlu PUA-larını, modellərini və alt sistemlərini nümayiş etdirir.

Türkiyənin “Dasal” şirkəti “Kargo 150” və “Kırlangıç” PUA-larını istehsal edir. Sadə, erqonomik və effektiv əməliyyat istifadəsi sayəsində kəşfiyyat, nəzarət və müşahidə platforması olaraq istifadə edilən “Kırlangıç” 1,2 kiloqrama qədər faydalı yük daşıma qabiliyyəti və 8 km-ə qədər uçuş məsafəsinə malikdir. Sistemin quruda və dənizdə istifadə üçün xüsusi hazırlanmış proqram və texniki təchizatı müxtəlif tələblərə ən optimal şəkildə cavab verə bilər. 40 km əməliyyat radiusunda 100 km/saat sürətlə 150 kq faydalı yük daşıya bilən “Kargo 150” qida və sursat kimi kritik dəstək materiallarının daşınması üçün xüsusi hazırlanmış yük PUA-sıdır.

816 şirkət və 22 universitetlə Avropanın və Türkiyənin ən böyük sənaye klasteri olan Müdafiə Aviasiya və Kosmik Klaster Dərnəyi (SAHA İstanbul) tərəfindən təşkil edilən sərgi 25-28 oktyabr tarixlərində İstanbulda baş tutur.

Sevinc Əliyeva 
Ordu.az