Ordu.az xəbər verir ki, Mark Rütte bu fikirləri Vaşinqtonda keçirilən Atlantik Şurasının tədbirində, 2026-cı il iyulun 7-8-də Ankarada baş tutacaq NATO Sammiti öncəsi çıxışı zamanı səsləndirib.

Rütte bildirib ki, yaz aylarında Türkiyəyə səfəri çərçivəsində ASELSAN-da gənc mühəndislərlə görüşüb.

“Türkiyənin ən böyük müdafiə elektronikası şirkəti olan ASELSAN alyansın bütün üzvlərinə fayda verəcək Türkiyənin müdafiə sənayesi inqilabına liderlik edir”, - deyə NATO Baş katibi vurğulayıb.

O qeyd edib ki, Ankarada keçiriləcək NATO Sammitində müdafiə sənayesi əsas gündəm mövzularından biri olacaq və sammit çərçivəsində genişmiqyaslı müdafiə sənayesi tədbiri təşkil ediləcək.

“Türkiyədə NATO üzrə fəaliyyət göstərən təxminən 3 min müdafiə sənayesi şirkəti var. Ankara sammitində böyük müdafiə sənayesi günü keçirəcəyik”, - deyə Rütte bildirib.

Onun sözlərinə görə, sammit zamanı on milyardlarla ABŞ dolları dəyərində yeni müdafiə sənayesi müqavilələrinin elan olunacağı gözlənilir.

Mark Rütte həmçinin vurğulayıb ki, transatlantik müdafiə sənayesi daha da gücləndirilməlidir və bu ekosistem yalnız Avropa ilə ABŞ-ni əhatə etmir.

“Biz buna həqiqətən transatlantik yanaşmalı və bu sənaye bazasının Kaliforniyadan Türkiyəyədək uzandığını anlamalıyıq”, - deyə o bildirib.

Sevinc Əliyeva
Ordu.az