Ordu.az xəbər verir ki, 2026-cı il aprelin 16-da həyata keçirilən atış Pakistanın dəniz platformalarından uzun mənzilli zərbə imkanlarını genişləndirməsi baxımından mühüm inkişaf kimi qiymətləndirilir.

Korvet platformasından ilk ballistik raket atışı

Keçirilən sınaqda əvvəllər “Zülfikar” sinfinə məxsus freqatlarda sınaqdan keçirilmiş P-282 SMASH raketinin bu dəfə MİLGEM korvetindən buraxıldığı bildirilib. Bu inkişaf korvet sinfinə məxsus döyüş gəmisinin ilk dəfə gəmi əleyhinə ballistik raketlə təchiz edilməsi baxımından diqqət çəkir.

Görüntülər üzərində aparılan təhlillərdə atışı həyata keçirən platformanın antena yerləşməsi və sistem konfiqurasiyasına əsasən MİLGEM korveti olduğu ehtimal edilib.

Proqram və platforma infrastrukturu

PN MİLGEM (“Babur” sinfinə məxsus) korvetlər Türkiyənin MİLGEM “Ada” sinfinə məxsus layihəsini əsas götürən və Pakistanın tələblərinə uyğun inkişaf etdirilən platformalar kimi önə çıxır. Layihənin əsas icraçısı olan ASFAT gəmilərin inşasını “Karachi Shipyard” ilə əməkdaşlıq çərçivəsində həyata keçirib.

“Ada” sinfinə məxsus korvetlər əsasən sualtı qayıqlara qarşı müdafiə müharibəsi tapşırıqlarına yönəldiyi halda, “Babur” sinfinə məxsus platformaların daha çox suüstü müharibə imkanlarına istiqamətləndirildiyi və qabaqcıl hava hücumundan müdafiə sistemləri ilə təchiz edildiyi bildirilir.

P-282 SMASH raketinin texniki xüsusiyyətləri

P-282 SMASH həm dəniz, həm də quru hədəflərinə qarşı istifadə oluna bilən iki məqsədli gəmi əleyhinə ballistik raket kimi hazırlanıb. 290 kilometrdən artıq mənzilə malik olduğu bildirilən sistem yüksək sürətlə və dik bucaq altında son mərhələyə daxil olaraq hədəflərə nişanalma təmin edir.

Raketin aktiv radar axtarıcı başlıq daşıdığı ehtimal olunur. Bundan əlavə, iki dartılı raket mühərriki sayəsində uçuşun ilk mərhələlərində sürət itkisini minimuma endirərək öz göstəricilərini qoruduğu bildirilir. Son mərhələdə “Mach 2”dən artıq sürətə çatdığı və hədəfə yüksək bucaq altında yaxınlaşdığı qeyd olunur.

Proqramın arxa planı

Pakistan son illərdə dəniz platformalarında uzun mənzilli zərbə imkanlarını artırmağa yönəlmiş yatırımlarını sürətləndirib. P-282 SMASH proqramı da bu strategiyanın bir hissəsi kimi ön plana çıxır.

Əvvəllər gəmi əleyhinə tapşırıqlarda əsasən qanadlı raketlərə üstünlük verilirdisə, ballistik raket inteqrasiyası ilə fərqli bir nişanalma konsepsiyasına keçid edildiyi ehtimal olunur.

Sevinc Əliyeva
Ordu.az