"Pakistan" sözünə uyğun 321 nəticə tapıldı!

Pakistan HHQ-nin yeni komandanı: "Azərbaycanla təlimlərdə iştirak davam etdiriləcək"

2018/06/76c16-1527921101_1527922030.jpg
Oxunub: 1708     10:26     02 İyun 2018    
Azərbaycan Respublikasının Pakistan İslam Respublikasındakı səfiri Əli Əlizadə Pakistan İslam Respublikasının yeni təyin olunmuş Hərbi Hava Qüvvələrinin komandanı, aviasiya marşalı Mujahid Ənvər Xan ilə görüşüb.

Azərbaycanın Pakistandakı səfirliyindən Ordu.az-a verilən məlumata görə, səfir Əli Əlizadə Mujahid Ənvər Xanı yeni təyinatı münasibətilə təbrik edib, iki ölkə arasında mövcüd olan səmimi münasibətlərin və səmərəli əlaqələrin hər iki ölkə rəhbərlərinin diqqət və qayğısı sayəsində günbəgün inkişaf etdiyini, Azərbaycanın Pakistanla əlaqələrə xüsusi əhəmiyyət verdiyini, bu əlaqələrdə hərbi-texniki əməkdaşlığın xüsusi önəm kəsb etdiyini və Pakistanın Dağlıq Qarabağ münaqişəsində Azərbaycana göstərdiyi dəstəyin daim yüksək qiymətləndirildiyini bildirib.

Pakistan İslam Respublikasının Hərbi Hava Qüvvələrinin komandanı, aviasiya marşalı Mujahid Ənvər Xan Pakistanla Azərbaycanın daim bir-birini dəstəkləyən ölkələr olduğunu qeyd edib, ölkələrimiz arasında möhkəm bağların, qarşılıqlı inam və hörmətin olduğunu, hər iki ölkənin ortaq mənəvi dəyərlərə və oxşarlıqlara sahib olduğunu vurğulayıb.

Pakistan Hərbi Hava Qüvvələrinin Azərbaycan Hərbi Hava Qüvvələri ilə bütün sahələrdə səmərəli əməkdaşlığının, o cümlədən təcrübə mübadiləsi, sərgilərdə, təlimlərdə iştirakın davam etdiriləcəyini, qarşılıqlı səfərlərin və hər iki tərəfin bir birinə göstərdiyi dəstəyin daha da artırılacağını diqqətə çatdırıb.

Ordu.az


Teqlər: Pakistan-Azərbaycan   Qarabağ   HHQ  


Xəbər lenti