Ordu.az xəbər verir ki, bu barədə ABŞ Hərbi Dəniz Qüvvələri İnstitutu (USNI) Hərbi Dəniz Qüvvələrinin nümayəndəsinə istinadən məlumat yayıb.

Məlumatda deyilir: “USS “Dwight D. Eisenhower” (CVN-69) aviadaşıyıcısında bu həftə “Norfolk” (Portsmut, Virciniya ştatı) hərbi dəniz gəmiqayırma zavodunda planlı texniki xidmət zamanı yanğın baş verib”.

Hərbi Dəniz Qüvvələrinin nümayəndəsinin sözlərinə görə, gəminin və gəmiqayırma zavodunun heyətləri dərhal yanğını lokallaşdırıb və söndürüblər. Hadisə nəticəsində üç dənizçi xəsarət alıb.

Qeyd olunub ki, gəminin heyəti zərərçəkənlərə tibbi yardım göstərib, bundan sonra onlar öz vəzifələrinin icrasına qayıdıblar.

Sevinc Əliyeva
Ordu.az