Ordu.az xəbər verir ki, bu barədə xarici KİV-lər məlumat yayıb.

Kallas sosial şəbəkələrdə yazıb: “Çoxdan vaxtıdır ki, Aİ 90 milyard avronun ayrılması üzrə bloklanmanı aradan qaldırsın və 20-ci sanksiya paketi ilə irəli getsin. Aİ Xarici İşlər Şurası bunu gələn həftə müzakirə edəcək”.

Aİ Şurasının xarici işlər nazirləri səviyyəsində növbəti iclası aprelin 21-nə planlaşdırılıb. Görüş Lüksemburqda keçiriləcək.

Slovakiyanın xarici və Avropa işləri naziri Yuray Blanar həmin gün bildirib ki, ölkə “Drujba” neft kəmərinin fəaliyyətinin bərpasına təminat almayana qədər Aİ-nin Rusiyaya qarşı 20-ci sanksiya paketinin qəbuluna mane olacaq.

O həmçinin bildirib ki, Bratislava Aİ tərəfindən Ukraynaya 90 milyard avro kredit verilməsinə etiraz etməyəcək. Bu qərara indiyədək Macarıstan mane olurdu.

Sevinc Əliyeva
Ordu.az