Ordu.az xəbər verir ki, bu barədə Almaniya Müdafiə Nazirliyi məlumat yayıb.

Məlumata görə, paketə 15 ədəd “Leopard” 1A5 tankı, 1 ədəd yaxın və 1 ədəd orta mənzilli raketlə IRIS-T Hava Hücumundan Müdafiə (HHM) sistemi, 2 ədəd “Patriot” HHM sistemi, 68 pilotsuz uçuş aparatı və əlavə avadanlıq daxildir.

Rusiyanın 2022-ci ildə Ukraynaya müdaxiləsindən sonra Berlin Federal Silahlı Qüvvələrin ehtiyatlarından təxmini 5,7 milyard dollar dəyərində təchizat çatdırıb.

10.000-dən çox Ukrayna hərbi qulluqçusu da Almaniyada hərbi təlim keçib və bununla bağlı xərclər təxminən 308 milyon dollar təşkil edib.

Sevinc Əliyeva
Ordu.az