Ordu.az xəbər verir ki, CNN-in məlumatlı rəsmilərə istinadən verdiyi məlumata görə, bunun məqsədi Ukrayna ordusuna ABŞ-nin təchiz etdiyi silah sistemlərinin saxlanması və təmirində kömək etməkdir.

Birləşmiş Ştatlar Rusiyanın 2022-ci ilin fevralında Ukraynaya müdaxilə etməsindən əvvəl bütün hərbi təlimçilərini Ukraynadan rəsmən çıxarıb və o vaxtdan bəri Ukrayna ərazisində hərbi mövcudluğu yoxdur.

ABŞ tərəfindən verilən və münaqişələrdə ciddi zədələnən hərbi texnika təmir üçün ölkədən kənara Polşa, Rumıniya və ya digər NATO ölkələrinə daşınmalıdır ki, bu da çox vaxt aparan prosesdir.

CNN mənbələrinin məlumatına görə, Bayden administrasiyası son bir neçə ayda Rusiya qoşunlarının irəliləyişini davam etdirməsi və hərbi yardımın gecikdirilməsi ilə əlaqədar Ukraynadakı podratçılara qoyulan məhdudiyyətləri yenidən nəzərdən keçirir.

Mənbələr vurğulayıblar ki, siyasət hələ də administrasiya rəsmiləri tərəfindən hazırlanır və hələlik prezident Co Baydendən yekun təsdiq alınmayıb.

Sevinc Əliyeva
Ordu.az