Ordu.az xarici KİV-lərə istinadən xəbər verir ki, bu barədə rəsmi məlumatı Suriya Müdafiə Nazirliyi yayıb.

Qeyd olunub ki, üsyançılar Suriyanın Türkiyə ilə sərhədində yerləşən Latakiya vilayətinin Türkmən dağlarındakı Nurah, Əl-Dərəh, Şahrurah məntəqələrində ordunun nəzarət postlarına hücumlar həyata keçiriblər.

Ordu qüvvələri dərhal hücuma qarşılıq verib. Hələlik hadisə ilə bağlı rəsmi rəqəmlər açıqlanmasa da, hər iki tərəfin itki verdiyi bildirilir.

Qeyd edək ki, bu, son 4 gün ərzində üsyançıların həyata keçirdiyi ikinci belə hücumdur.

Dəyanət Ağalarlı
Ordu.az