Ordu.az xəbər verir ki, bu barədə “BBC News” məlumat yayıb.

Həmin insident 1981-ci il martın 30-da baş vermişdi. Cinayətkar Con Hinkli kiçik Reyqan hoteldə çıxış etdikdən sonra limuzininə yaxınlaşarkən ona atəş açmışdı.

Reyqan sağ qalsa da, prezident limuzinindən əks olunan güllənin bədəninə dəyməsi nəticəsində ağır yaralanmışdı. Güllə qabırğasını sındırmış və ağciyərlərindən birinə zərər vurmuşdu. O, təcili şəkildə Corc Vaşinqton Universitetinin yaxınlıqdakı xəstəxanasına aparılmış və aprelin 11-də evə buraxılmışdı.

Həmin insident nəticəsində o dövrün Ağ Ev mətbuat katibi Ceyms Bredi, Gizli Xidmətin bir agenti və yerli polis əməkdaşı da yaralanmışdı.

Bredi beyin zədəsi almış və ömrünün qalan hissəsində əlil qalmışdı. O, 2014-cü ildə vəfat edib. Növbəti il Hinkli ruhi sağlamlıq səbəbindən təqsirsiz hesab edilsə də, Vaşinqtondakı Müqəddəs Yelizaveta xəstəxanasının ciddi nəzarət bölməsinə yerləşdirilmiş, 2016-cı ildə isə oradan buraxılmışdı. Hotelin divarına vurulmuş xatirə lövhəsi bu günədək atışmanın yerini göstərir.

Sevinc Əliyeva
Ordu.az