Ordu.az xəbər verir ki, bu barədə İran Xarici İşlər Nazirliyinin mətbuat katibi İsmayıl Bəqayi məlumat verib.
Onun sözlərinə görə, 18 saat davam edən müzakirələrin nəticələrini əks etdirən sənəd Qətər və Pakistan tərəfindən açıqlanacaq.
“Mətn iki vasitəçi olan Qətər və Pakistan tərəfindən yayımlanacaq və orada qeyd etdiyim əsas məqamlar öz əksini tapacaq. Bu sənəd 18 saat ərzində əldə olunan razılaşmaların yekun sənədi kimi təqdim ediləcək”, - deyə Bəqayi bildirib.
O əlavə edib ki, İran neftinin satışına icazələrin verilməsi və İranın dondurulmuş aktivlərinin blokdan çıxarılması ABŞ ilə yekun saziş üzrə danışıqlara keçidin əsas şərtlərindən biridir.
Sevinc Əliyeva
Ordu.az
