Ordu.az xəbər verir ki, bunu rusiyalı politoloq Andrey Areşev deyib.

Onun sözlərinə görə, Ermənistan rəhbərliyi həmçinin düşünürdü ki, Ermənistan-Türkiyə sərhədinin açılması üçün Qarabağ məsələsini qaldırmamaq, məsələni unutmaq, siyasi diskursdan uzaqlaşdırmaq kifayət edəcək.

“Ancaq, göründüyü kimi, Türkiyə və Azərbaycan birmənalı şəkildə başa düşür ki, ən önəmlisi onların bütün qələbələrini qeyd edəcək imzalanmış kağızdır. Bundan əlavə, hesab edirəm ki, regional yollar məsələsi region üçün sülh sazişi qədər, bəlkə də daha çox əhəmiyyət kəsb edir”, - deyə Areşev qeyd edib.

Areşev bildirib ki, hazırda Rusiyanın öz geosiyasi maraqlarını hansı istiqamətdə apardığı açıq-aydın görünür.

Alpər Mövludoğlu
Ordu.az