Kahramanmaraş vilayətinin Pazarcık ilçəsindəki zəlzələ bölgəsində yerli və milli görüntüləmə cihazından istifadə olunur. Bu cihaz sayəsində dağıntılar altında qalan 36 nəfərə çatmaq mümkün olub. Bu 36 nəfərdən 3-ü sağ-salamat xilas edilib. Bu gün yeraltı görüntüləmə cihazı təxminən 60 binanın dağıldığı zəlzələ bölgəsində xilasetmə qruplarının ən böyük köməkçisinə çevrilib.

Cihaz zəlzələ dağıntılarına infraqırmızı şüalar göndərir. Dağıtı altında zərərçəkənin olduğu yer müəyyən edilir. Yeraltı görüntü cihazları Kahramanmaraşda axtarış-xilasetmə işlərini asanlaşdırır.

Qurğunun onlara yol göstərdiyini bildirən xilasetmə qrupu bildirib: “Müdafiə Sənayesinin istehsal etdiyi infraqırmızı cihazla hazırda nöqtə atışları olaraq işlərimizi davam etdiririk və bu, bizə çox yaxşı yol göstərir”.

Görüntü cihazının operatoru Nurəttin Akpınarın sözlərinə görə, onlar bu cihazdan yeraltı və sualtı olmaqla 50 metr dərinlikdə və 1 kilometr məsafədə olan canlı və cansız varlıqları, otaqları, tunelləri aşkar etmək üçün istifadə edirlər.

Divarların arxasındakı hərəkətləri təsbit edə bilən görüntüləmə cihazı dağıntılar altında qalalanların aşkar edilməsini sürətləndirir.

Sevinc Əliyeva
Ordu.az