Bunu Rusiya Xarici İşlər naziri Sergey Lavrovun Dağlıq Qarabağ münaqişəsinin nizamlanması ilə bağlı danışıqların gedişatı ilə bağlı məlum açıqlamasına Ermənistan Xarici İşlər naziri Zöhrab Mnatsakanyanın cavabını şərh edən Rusiya Fedrasiyası Xarici İşlər Nazirliyi bildirib.
“Dağlıq Qarabağ münaqişəsinin həlli Helsinki Yekun Aktının təməl prinsiplərinə, o cümlədən güc tətbiq edilməməsi, ərazi bütövlüyü və öz müqəddəratını təyinetmə prinsiplərinə əsaslanır. Nizamlama elementləri arasında Dağlıq Qarabağa bitişik ərazilərin qaytarılması, habelə əhalinin iradəsi ilə Dağlıq Qarabağın son hüquqi statusunun müəyyənləşdirilməsi də var. Müzakirə olunmuş və müzakirə olunan sənədlərə və təkliflərə gəlincə, Rusiya Xarici İşlər naziri Sergey Lavrov artıq bunları sadaladı”, - deyə Rusiya Xarici İşlər Nazirliyinin açıqlamasında bildirilib.
Rusiya Xarici İşlər Nazirliyinin açıqlamasında, Dağlıq Qarabağ münaqişəsinin həllinin olduqca həssas olduğu və bunun ictimai müzakirə mövzusuna çevrilməsinin səmərəsiz olduğu bildirilir.
“Danışıqlar zamanı nizamlanmanın formal bir formatda nəzərdən keçirilməsinin başlanğıc nöqtəsini qəbul edirik. Bu istiqamətdə məsləhətləşmələr davam edir, bunu 21 apreldə həmsədrlərin iştirakı ilə Ermənistan və Azərbaycan Xarici İşlər Nazirlərinin video konfransında görmək mümkündür”, - deyə Rusiya Xarici İşlər Nazirliyinin açıqlamasında bildirilir.
“Güman edirik ki, nizamlama məsələlərinə danışıqlar zamanı yaradılan format çərçivəsində baxılmalıdır. Bu mövzuda məsləhətləşmələr davam edir. Bunu aprelin 21-də həmsədrlərin iştirakı ilə Ermənistan və Azərbaycan Xarici İşlər Nazirlərinin telekonfransı da sübut edir”, - deyə açıqlamada qyd olunub.
Rusiya Xarici İşlər Nazirliyi, rəsmi İrəvanın hazırda hər hansı bir sənədin danışıqlar gündəliyində müzakirə olunmasına dair iddianı rədd etməsinə baxmayaraq, qurumun rəhbəri Lavrovun qalmaqallı iddialarını təsdiqlədi.
Erməni jurnalistlər “Lavrov planının” keçmişdə qaldığına israr edən rusiyalı politoloq, sosioloq və filosof, Beynəlxalq Avrasiya Hərəkatının lideri Alexander Duqin ilə söhbər aparıb. O deyib ki, indi koronavirus infeksiyası səbəbi ilə Ermənistan, Azərbaycan və Rusiya mövcudluq sınağından keçməlidir, hələ koronavirus aralığında qalan mövzulara toxunmaq tezdir.
Erməni siyasi ekspert Sarkis Artsruni bildirib ki, Lavrovun və ya Rusiya Xarici İşlər Nazirliyinin qaldırdığı “səs-küyün” Dağlıq Qarabağ münaqişəsi ilə o qədər də çox bağlı olmadığı iddiası əsassız deyil.
“Əslində bu qalmaqalın hədəfi Ermənistanda qeyri stabilliyə nail olmaqdır. Son mətbuat konfransında Rusiya Xarici İşlər naziri Ermənistan cəmiyyətini narahat edən iki mövzu, Dağlıq Qarabağ münaqişəsi və qaz tarifi ilə bağlı danışıqlar prosesi oyunundan faydalanıb. Hər iki epizodda Lavrov bilərəkdən Ermənistan cəmiyyətini öz hökumətinə qarşı yönəltməyə çalışıb, bir halda Paşinyan komandasının xalqın arxasından Qarabağı təhvil verməsi təsəvvürü yaradır, digər halda qazın qiymətinin rəsmi İrəvana görə yüksək olması ilə bağlı xalq arasında uçurum yaradır.
Bu, əslində Moskvanın Ermənistana qarşı bir növ “hibrid müharibəsi”dir və şimaldan hansı yeni “sürprizlərin” gözlənilə biləcəyi hələ məlum deyil”, - deyə Artsruni bildirib.
Alpər Mövludoğlu
Ordu.az
