Ordu.az xarici KİV-lərə istinadən xəbər verir ki, nəhəng gəminin 2030-2032-ci illərdə hazır olması planlaşdırılır.

Hindistan Donanmasından yayılan məlumatda bildirilib ki, gəminin istehsalı ilə bağlı ilkin qərar 2005-ci ildə verilib və istehsalının bundan sonra daha 12-14 il çəkə biləcəyi ehtimal olunur. Bu da donanma rəhbərliyini narahat edən səbəblərdəndir ki, Hindistan Hərbi Dəniz Qüvvələrinin rəhbərliyi aviadaşıyıcının istehsalının sürətləndirilməsini istəyir.

Qeyd edək ki, 65-70 min ton ağırlıqda olacaq yeni aviadaşıyıcının saatda 56 kilometr maksimum sürətə sahib olması planlaşdırılır. “Vishal” yəni nəhəng adı verilən yeni gəminin indiki dəyərlə 12 milyard dollara başa gələcəyi bildirilir.

Dəyanət Ağalarlı
Ordu.az