Ordu.az TASS informasiya agentliyinə istinadən xəbər verir ki, bu barədə İsrail Müdafiə Ordusunun adı gizli saxlanılan nümayəndəsi bəyan edib.

“Bu gün – dekabrın 9-da İsrailin cənub rayonlarının raket hücumuna məruz qalmasına cavab olaraq İsrail Hərbi Hava Qüvvələrinin təyyarələri Qəzza bölgəsinin müxtəlif rayonlarında HƏMAS terror təşkilatına məxsus 4 müxtəlif hədəfi – silah istehsalı ilə məşğul olan iki emalatxana, silah anbarı və hərbi bazanı məhv edib. Hər hədəfə bir neçə raket zərbəsi açılıb”, - deyə hərbçi bildirib.

Qeyd edək ki, dünən axşam saatlarında Fələstindən İsrail istiqamətində ən azı 3 raket atılıb. Raketlərdən biri Sderot şəhərində partlayaraq əraziyə zərər verib, daha bir raket isə “Dəmir Qübbə” tərəfindən zərərsizləşdirilib.

Ağalar Qəribov
Ordu.az