Ordu.az xəbər verir ki, bunu Hudson İnstitutunun baş elmi işçisi Lyuk Kofin deyib.
Onun sözlərinə görə, Rusiya Cənubi Qafqazı özünün təsir zonası hesab edir.
Kofin qeyd edib ki, nümunələrdən biri də Ermənistanla Azərbaycan arasında münasibətlərin tənzimlənməsidir.
“İndi Ermənistan və Azərbaycan əsl qonşu kimi çıxış edə, əməkdaşlıq edə, münasibətləri tənzimləyə, sülhə və firavanlığa nail ola bilərlər. Lakin bütün bunlar Rusiyanın regionda nüfuzu üçün təhlükədir”, - deyə Kofin bildirib.
Hudson İnstitutunun baş elmi işçisi vurğulayıb ki, Kreml Paşinyanın nəticələrdən belə asanlıqla yan keçməsinə imkan verməyəcək.
Kofin deyib ki, Ukraynadakı çətinliklərə görə Rusiyanın Cənubi Qafqazda təsiri zəifləyir və bu, ABŞ ilə Aİ üçün yaxşı fürsətdir.
O əlavə edib ki, Rusiyadan Ermənistana, xüsusən də Paşinyana qarşı təhdidlərin əksəriyyəti hibrid xarakter daşıyacaq.
Alpər Mövludoğlu
Ordu.az