Ordu.az xəbər verir ki, ABŞ, Yaponiya və Cənubi Koreya Koreya yarımadasında ilk üçtərəfli çoxdomenli hərbi təlimlərə başlayıb.

Məlumata görə, Cənubi Koreya Baş Qərargahı ölkənin cənubundakı kurort Ceju adasında “Freedom Edge” adlı üç günlük çoxdomenli təlimin başladığını açıqlayıb.

Üçtərəfli təlimin açılışı ötən ilin avqustunda ABŞ prezidenti Co Bayden, onun cənubi koreyalı həmkarı Yoon Suk-yeol və Yaponiyanın Baş naziri Fumio Kişidanın Kemp-Devid sammiti zamanı qərara alınıb.

Tərəflər mütəmadi olaraq “illik, adlı, çoxdomenli” üçtərəfli təlimlərin keçirilməsi barədə razılığa gəliblər.

Hərbi təlimdə ABŞ Hərbi Dəniz Qüvvələrinin nüvə enerjisi ilə işləyən USS “Theodore Roosevelt” aviadaşıyıcı gəmisi, Cənubi Koreyanın ROKS “Seoae Ryu Seong-ryong” esminesi və Yaponiyanın JS “Ise” helikopter esminesi iştirak edir.

Sevinc Əliyeva
Ordu.az