"Rusiya" sözünə uyğun 8391 nəticə tapıldı!

"Dünyada heç bir konflikt tərəflər arasında birbaşa dialoq olmadan həll olunmayıb" - Putin

2019/09/7ZpUQ-1569391007.jpg
Oxunub: 298     12:40     10 Dekabr 2019    
""Normandiya formatı" sammiti çərçivəsində iş çox faydalı oldu”.

Ordu.az xarici KİV-lərə istinadən xəbər verir ki, bunu Rusiya Prezidenti Vladimir Putin Parisdə keçirilən “Normandiya formatı”nda keçirilən görüşün yekunları ilə bağlı birgə mətbuat konfransında deyib.

Rusiya prezidenti bəyan edib ki, danışıqların yekunu ilə bağlı imzalanan sənəddə Minsk razılaşmalarının yerinə yetirilməsinin alternativsiz olduğu qeyd edilib.

"Qəbul olunan birgə yekun sənəddə 2015-ci il 12 fevral Misnk razılaşmalarının ardıcıl olaraq yerinə yetirilməsinin alternativsiz olduğu qeyd olunub. Sənəddə münaqişə tərəfləri arasında birbaşa dialoqun qurulmasının vacibliyi də qeyd olunub", - deyə o qeyd edib.

Putin ölkəsinin Ukraynadakı münaqişənin həll olunması üçün əlindən gələni edəcəyini vurğulayıb.

"Rusiya ondan asılı olan hər şeyi edəcək ki, bütün problemlər və məsələlər həll olunsun, münaqişə isə yekunda bitsin. Bunun üçün münaqişə tərəfləri öz aralarında razılığa gəlməlidirlər ki, birbaşa dialoq olsun. Dünyada heç bir konflikt münaqişəli tərəflər arasında birbaşa dialoq olmadan həll olunmayıb", - deyə o bildirib.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: Rusiya   Ukrayna   Münaqişə