Ordu.az xəbər verir ki, bu barədə Ermənistanın “Joğovurd” nəşri yazıb.

“Diplomatik çevrədəki mənbələrimiz bildirirlər ki, sülh sazişinin 10-cu paketində İlham Əliyev administrasiyası Ermənistandan müxtəlif beynəlxalq məhkəmələrdə Azərbaycana qarşı bütün iddialarından əl çəkməsini tələb edir. Diplomatik mənbələrimiz Paşinyan hakimiyyətinin İlham Əliyevin bu tələblərini də yerinə yetirməyə hazır olduğunu iddia edirlər”, - deyə “Telegram” kanalı yazıb.

Nəşr rəsmi şərh almaq üçün Ermənistan Xarici İşlər Nazirliyinə müraciət edib.

“Lakin Ermənistan XİN daha əvvəl beynəlxalq hüquq məsələləri üzrə Ermənistanın nümayəndəsinin ofisinin sözçüsü Hasmik Samvelyanın bəyanatına istinad edib. Orada deyilir: “Hazırda belə bir qərar yoxdur, bununla bağlı heç bir proses aparılmır”. Xarici İşlər Nazirliyindən əlavə şərh verilməyib”, - deyə nəşr bildirib.

Alpər Mövludoğlu
Ordu.az