NATO Çin firmasının üzv ölkələrinə yaratdığı riski dəyərləndirir

2019/03/3BEO4-1552720210.jpg
Oxunub: 298     17:31     16 Mart 2019    
NATO Çinə məxsus, dünyanın ən böyük telekommunikasiya şəbəkə ləvazimatları istehsalçısı “Huawei” firmasının alyansın üzv dövlətlərinə meydana gətirdiyi riski nəzərdən keçirir.

Ordu.az “Defense News”a istinadən xəbər verir ki, bu barədə NATO-nun Baş katibi Yens Stoltenberq danışıb.

Onun sözlərinə görə, bəzi müttəfiq ölkələr adıçəkilən firma və onun 5G infrastrukturunun təmin olunmasındakı rolundan getdikcə daha çox narahat olur və bu narahatlıqlarını tez-tez dilə gətirirlər. Hətta ABŞ hökuməti daxilindəki bəzi rəsmilər bildirir ki, amerika firmalarının “Huawei” texnologiyası əldə etməsini qadağan edəcək qanun qəbul olunmalıdır.

Bu həftənin əvvəlində isə ABŞ-ın Avropa Komandanlığının rəhbəri general, Körtis Skaparrotti NATO qüvvələrinə xəbərdarlıq edərək, Berlinin həmin firmanın texnologiyalarından istifadə etməyə davam edəcəyi təqdirdə, onunla kommunikasiyanı kəsəcəyini bildirdi.

İnci Rzayeva
Ordu.az

© Materiallardan istifadə edərkən hiperlinklə istinad olunmalıdır


Teqlər: NATO   Huawei   Çin