Ordu.az xəbər verir ki, bunu Mehridə Ermənistandakı aksiyaların rəhbəri, erməni keşiş Baqrat Srbazanla görüşdə Qarabağdan Ermənistana könüllü köç etmiş şəxs deyib.

“Oğlumun komandirləri, “Tsor” hərbi hissəsinin iki komandiri, taqım komandiri onları aldadaraq, Şuşada saxladılar və özləri qaçdılar. Onlardan biri olan Hayk Gevorgyan Qarabağda anadan olub, digəri komandirin yerinə müvəqqəti gəlmiş Artyom Arakelyandır. Özü deyirdi ki, uşaqların öləcəklərini bilsəydi, onları aşağı endirərdi. Özləri isə Xankəndiyə eniblər”, - deyə o qeyd edib.

Qarabağdan Ermənistana könüllü köç etmiş şəxs iddia edib ki, Şuşa təhvil verilib, çünki müdafiə etsəydilər, təhvil verilməzdi.

“Şuşanı təhvil verdilər, yuxarıda mənim kimi üç nəfər olsaydı, saxlaya bilərdilər”, - deyə o əlavə edib.

Alpər Mövludoğlu
Ordu.az