Ordu.az xəbər verir ki, bu barədə İranın “Tasnim” agentliyi məlumat yayıb.

O qeyd edib ki, silahlı qüvvələr İranın bütün ərazisində hərtərəfli şəkildə yerləşdirilib və müvafiq birləşmələr formalaşdırılıb.

İranlı general vurğulayıb ki, düşmən müəyyən hərbi mövqe saxlasa da, İran ərazisinə və sərhədlərinə yaxınlaşa bilmir və buna görə də uzaqdan, uzaqmənzilli silahlardan istifadə etməklə əməliyyatlar aparır.

Rəsmi şəxs bildirib ki, 2025-ci il iyunun 12 günlük müharibəsindən sonrakı yeddi ay ərzində İranda hücum pilotsuz uçuş aparatlarının istehsalı əvvəlki dövrlə müqayisədə on dəfə artıb. İranlı general bu inkişafı pilotsuz uçuş aparatı istehsalı sahəsində inqilab adlandırıb.

O əlavə edib ki, birgə əməliyyatlarda pilotsuz uçuş aparatları düşmənin müdafiə sistemlərini sıradan çıxarmaq və dəqiq raket zərbələri endirmək üçün son dərəcə mühüm alətə çevrilib. General vurğulayıb ki, Silahlı Qüvvələr bütün sahələrdə öz imkanlarına uyğun olaraq avadanlıq və silah istehsal edir. İranlı general bu qabiliyyəti tamamilə yerli kimi xarakterizə edib və bildirib ki, heç bir başqa ölkə daxilində əvvəldən axıra qədər tam istehsal olunan müdafiə sistemi yoxdur.

O yekunda bildirib ki, düşməni danışıqlar masası arxasına oturmağa və tələbləri müzakirə etməyə məcbur etmək özlüyündə İranın qələbəsinin əlamətidir.

Sevinc Əliyeva
Ordu.az