Ordu.az xəbər verir ki, şirkət sərgidə ən çətin şərait üçün hazırlanmış fasiləsiz, dayanıqlı və etibarlı rabitə texnologiyalarını nümayiş etdirib.

“CTech” missiya baxımından kritik əməliyyatlar üçün hazırladığı peyk və birbaşa görmə xətti (LOS) rabitə texnologiyalarını hava, quru və dəniz platformaları üçün nəzərdə tutulmuş həllərlə birlikdə sərgiləyib.

Şirkət sərgi müddətində çoxsaylı məhsuldar görüşlər keçirib, yeni əməkdaşlıq imkanlarını dəyərləndirib və qabaqcıl peyk, eləcə də birbaşa görmə xətti rabitə texnologiyalarını beynəlxalq arenada təqdim edib.

Bundan əlavə, “CTech” sərgi çərçivəsində Böyük Britaniyada yerləşən müdafiə və təhlükəsizlik mühəndisliyi şirkəti Espanaro ilə Anlaşma Memorandumu imzalayıb.

Bildirilib ki, bu əməkdaşlığın təhlükəsiz rabitə həlləri və müdafiə texnologiyaları sahəsində yeni imkanların yaradılmasına, həmçinin tərəflər üçün qarşılıqlı dəyərin formalaşdırılmasına töhfə verəcəyi gözlənilir.

Sevinc Əliyeva
Ordu.az