Ordu.az xəbər verir ki, bu barədə “Der Spiegel” məlumat yayıb.

Daxili təlimata əsasən, əməkdaşlara məxfi və ya daha yüksək səviyyəli materialların müzakirə olunduğu görüşlərə şəxsi smartfon, planşet və ağıllı saat gətirmək qadağan edilib. Buraya əməliyyat planlaşdırılması və Bundesverin döyüş hazırlığı ilə bağlı məsələlər də daxildir.

Belə görüşlərdən əvvəl cihazlar xüsusi şkaflarda saxlanılmalıdır və məhdudiyyətlər həssas sənədlərin saxlanıldığı otaqlara da şamil olunur.

Sənəddə qeyd olunur ki, Bundesver kəşfiyyat agentlikləri, xüsusilə Rusiya agentlikləri üçün prioritet hədəfdir və Çin uzunmüddətli kəşfiyyat fəaliyyəti həyata keçirir.

Sərtləşdirilmiş tədbirlər şəxsi cihazlar vasitəsilə məlumat sızması riskinə görə tətbiq olunur, çünki bu cihazlar təhlükəsizlik zəifliyi hesab edilir.

Sevinc Əliyeva
Ordu.az