Ordu.az xəbər verir ki, LOR-lar gələcək təklif və qəbul məktublarına (LOA) yol açacaq, “Abrams” tankları üçün 120 mm-lik tank sursatlarının və NATO standartı olan 155 mm-lik artilleriya sursatlarının istehsalını əhatə edəcək.
Bu təşəbbüs Rumıniyanın yerli müdafiə sənayesini gücləndirmək, eləcə də istehsal, sınaq, sertifikatlaşdırma və kvalifikasiya imkanları vasitəsilə ölkənin NATO daxilində strateji rolunu artırmaq məqsədi daşıyır.
Rumıniyanın rəqəmsallaşma, sahibkarlıq və turizm naziri Boqdan İvan açıqlamasında deyib: “Rumıniya və ABŞ ümumi dəyərləri və prinsipləri bölüşür. NATO-nun Avropa Sursatları üzrə Mükəmməllik Mərkəzinin işə salınması ilə biz Rumıniyanın regional təhlükəsizliyin sütunu və strateji imkanlar təminatçısı kimi rolunu gücləndirəcəyik”.
ABŞ-nin müvəqqəti işlər vəkili Maykl Dikerson tərəfdaşlığa güclü dəstək verib. “Bu birgə istehsal NATO, ABŞ və Rumıniya üçün tədarük zəncirlərini təmin edəcək, ABŞ və müttəfiqlərimizi daha təhlükəsiz edəcək”, - deyə o bildirib.
Layihələr 2024-cü ilin sentyabrında ABŞ Dövlət Departamenti tərəfindən verilən 920 milyon dollarlıq Xarici Hərbi Maliyyələşdirmə (FMF) krediti ilə dəstəklənir. Bu maliyyələşdirmə iki ölkənin davamlı və strateji müdafiə əməkdaşlığına sadiqliyini nümayiş etdirir.
Sevinc Əliyeva
Ordu.az
