Ordu.az xəbər verir ki, Tokio ötən ay göndərdiyi sorğuda 1200 ədəd AIM-120D-3 və AIM-120C-8 AMRAAM raketi tələb edib.

Raketlərlə yanaşı, “Selective Availability Anti-Spoofing Module” və ya “M-Code” tərəfindən təmin edilən dəqiq yerləşdirməyə malik 20 ədədə qədər AIM-120D-3 idarəetmə bölməsi və 4 ədədə qədər AIM-120C-8 idarəetmə bölməsi də razılaşmaya daxil ediləcək.

Məlumata görə, müqavilə AMRAAM-ın hərəkət bölmələri, döyüş başlıqları, AIM-120 hava təlim raketləri, raket konteynerləri və idarəetmə bölməsi ehtiyat hissələri kimi müvafiq avadanlıqları da əhatə edir.

Qeyd edək ki, 2024-cü ilin dekabr ayının sonlarında Yaponiya hökuməti Çindən gələn təhlükələrə qarşı daha yaxşı müdafiə məqsədilə növbəti maliyyə ili üçün 55,1 milyard dollarlıq müdafiə büdcəsi elan edib.

Sevinc Əliyeva
Ordu.az