Ordu.az “National Interest”ə istinadən xəbər verir ki, ABŞ donanmasının bu yaxınlarda yaydığı məlumatda bu sualtı gəmilərin inşasına 2021-ci ildə başlanmasının planlaşdırıldığı qeyd olunub.

Onun tam əməliyyat qabiliyyətinə isə 2030-cu illərin əvvəllərində nail olacağı ehtimal edilir.

Gəminin istehsalçısı “General Dynamics” artıq inşası üçün zəruri avadanlıqların hazırlanmasına başlandığını və onun konstruksiyasına mümkün olduğu halda 2020-ci ildə başlanacağını elan edib.

ABŞ donanması ümumilikdə bu sinifli gəmilərdən 12 ədəd əldə etməyi planlaşdırır. Onlara 194 milyard dollar vəsait xərclənəcək. Hamısının çatıdırılmasının 2040, istifadə müddətlərinin isə 2080-ci illərə qədər uzanması ehtimal edilir.

Ağalar Ağalarlı
Ordu.az