Ordu.az xəbər verir ki, bu barədə Rusiyanın baş nazir müavini Aleksey Overçuk jurnalistlərə açıqlamasında bildirib.

O qeyd edib ki, Ermənistanda qəbul olunan bəyanatlar və qanunvericilik aktları nəzərə alınaraq, Moskva İrəvanın Avrasiya İqtisadi Birliyi və ya Avropa İttifaqı ilə bağlı seçimini dəqiqləşdirməsini düzgün hesab edir.

“Heç kim Ermənistanı AİB-dən çıxarmağa çalışmır, sadəcə onlar özləri Aİ-yə üzv olmaq istədiklərini bildiriblər. Buna görə seçim edilməlidir. Bu nə qədər tez baş versə, hamı üçün bir o qədər yaxşı olar”, - deyə Overçuk bildirib.

Baş nazir müavini vurğulayıb ki, Ermənistanın AİB-də iştirakı birlik ölkələrinin daxili bazarlarının erməni məhsulları üçün açılması deməkdir.

“Bu isə bizim daxili bazarımızda erməni məhsullarının rəqabətinin artması deməkdir. Bu müəyyən mənada iqtisadiyyatlarımız üçün mənfi hal ola bilər. Ermənistan Rusiyanın müttəfiqi kimi enerji resurslarının qiymətləri sahəsində güzəştlərdən istifadə edir. Əgər ermənilər AİB-dən çıxmağa qərar versələr, bu məsələlər sivil formada nəzərdən keçirilməlidir”, - deyə o qeyd edib.

Alpər Mövludoğlu
Ordu.az