Ordu.az xəbər verir ki, bu barədə Ermənistan İstintaq Komitəsi məlumat yayıb.

Bildirilib ki, həmin məlumat həm tibbi klinikada və diaqnostik laboratoriyada aparılan müayinələrlə, həm də istintaq çərçivəsində təyin edilmiş məhkəmə-genetik ekspertizaların rəyləri ilə təkzib edilib.

“Nəticədə M.P. hərbi xidmətə yararlı hesab olunub və Ermənistan silahlı qüvvələrinə çağırılıb.

Bundan başqa, çağırışçının anası, tibb mərkəzinin həkimi və H.M. adlı vətəndaş maneələri aradan qaldırmaqla və məlumat təqdim etməklə M.P.-nin aldatma yolu ilə hərbi çağırışdan yayınmağa cəhd etməsinə kömək ediblər. Lakin onların iradəsindən asılı olmayan hallara görə niyyətlərində olan cinayət başa çatdırılmayıb.

A.İ., A.N. və H.M. barəsində Cinayət Məcəlləsinin 46-44-461-ci maddəsinin 2-ci hissəsinin 2-ci bəndi ilə (məcburi hərbi və ya alternativ xidmətdən, yaxud səfərbərlik çağırışından yayınma cəhdinə kömək etmə) ictimai cinayət təqibi başlanıb.

Cinayət işi ittiham aktı ilə nəzarətçi prokurora göndərilib”, - deyə məlumatda bildirilib.

Alpər Mövludoğlu
Ordu.az