Rusiya Təhlükəsizlik Şurasının katibi Sergey Şoyqu təhlükəsizlik məsələləri üzrə BRICS ölkələrinin yüksək səviyyəli nümayəndələrinin görüşündə iştirak etmək üçün Hindistana səfər edib.

Ordu.az xəbər verir ki, bu barədə Rusiya Təhlükəsizlik Şurası aparatının mətbuat xidməti məlumat yayıb.

Məlumata görə, Şoyqu çərşənbə axşamı Nyu Delhidə keçiriləcək iclasda iştirak edəcək.

Görüş zamanı beynəlxalq münasibətlərdə çoxqütblü sistemin formalaşması şəraitində BRICS üzvü olan dövlətlər arasında koordinasiyanın gücləndirilməsi, həmçinin regional və qlobal təhlükəsizlik məsələlərinin müzakirəsi nəzərdə tutulur.

Bundan əlavə, Sergey Şoyqunun birlikdə təmsil olunan aparıcı ölkələrin nümayəndə heyətlərinin rəhbərləri ilə bir sıra ikitərəfli görüşlər keçirməsi planlaşdırılır.

Sevinc Əliyeva
Ordu.az