Ordu.az xəbər verir ki, Yaponiya Dəniz Özünümüdafiə Qüvvələrinin yeddinci “Mogami” sinfinə məxsus çoxməqsədli freqatı “JS Niyodo”nun (FFM-7) çatdırılması gəmiqayırma şirkətinin Naqasakidəki qərargahında istismara verilməsi ilə eyni vaxtda həyata keçirilib.

Bildirilib ki, yeni freqatın adı Şikoku adasındakı Koçi və Ehime prefekturalarından keçən çaydan götürülüb.

Yaponiya Dəniz Özünümüdafiə Qüvvələrinin verdiyi məlumata görə, “Niyodo” “Mogami” proqramı çərçivəsində “Mk 41” Şaquli Buraxılış Sistemi ilə təchiz edilmiş ilk gəmi olub.

Silahın inteqrasiyası üçün müqavilə 2021-ci ildə elan edilib və onun 58,6 milyon dollar dəyərində olduğu bildirilir. Bu razılaşma, həmçinin səkkizinci “Mogami” sinfinə məxsus gəmi “JS Yūbetsu” (FFM-8) üçün şaquli buraxılış sisteminin silahlandırılmasını da əhatə edirdi.

Sevinc Əliyeva
Ordu.az