Ordu.az xəbər verir ki, təqdimat Fransada keçirilən “Eurosatory 2022” sərgisində baş tutub.
Şirkət müdafiə qüvvələri və daxili təhlükəsizlik agentlikləri üçün yüksək səviyyəli radioelektron mübarizə vasitələləri və antidron sistemləri hazırlayır.
“DroneNet RD” çoxqatlı mühafizə sistemi düşmən PUA-sının aşkarlanması, identifikasiyası, izlənilməsi və qarşısının alınması üçün bütün tezlik diapazonlarını əhatə edir. Kiçik bir taktiki komanda tərəfindən ultra sürətli yerləşdirmə qabiliyyətinə malik olan kompakt sistem həm idarəetmə stansiyasından, həm də uzaqdan idarə oluna bilər və tam güc qorunmasına imkan verir.
“DroneNet” real vaxt rejimində ardıcıl işləyən və təhlükə aşkar edildikdə avtomatik aktivləşdirilən üç müdafiə təbəqəsindən ibarətdir. Hər bir təbəqə müstəqil sistem kimi fəaliyyət göstərə və digər müdafiə sistemləri ilə əlaqə qura bilir.
Sistem hərbi qüvvələr, strateji obyektlər və ya VIP mühafizə arenaları kimi məkanları qorumaq üçün nəzərdə tutulub.
Sevinc Əliyeva
Ordu.az
