Ordu.az xarici KİV-lərə istinadən xəbər verir ki, bu barədə anonim kəşfiyyat mənbələrinə istinad edən CNBC məlumat yayıb.

Məlumata görə, bu ilin əvvəllərində yerləşdirilən ləvazimatlar ilk dəfədir ki, istifadə edilir. Bu elektron müharibə ləvazimatlarının kommunikasiya və radar sistemlərini qarışdırmaq və ya sıradan çıxarmaq üçün istifadə ediləcəyi gözlənilir.

Sinqapurlu təhlükəsizlik üzrə analitik Kollin Koh bildirib ki, Cənub-şərqi Asiya dövlətlərinin əksəriyyətinin əhatəli kəşfiyyat-elektron müharibə imkanlarının olmaması nəzərə alındıqda, bunun çox pis xəbər olduğu aydın olar.

Çin Cənubi Çin dənizindəki bazalarının qeyri-hərbi məqsədli olduğunu iddia etsə də, o, bu bazaları anqarlar, radar sistemləri, dəmir yolları, sensorlar, raket sığınacaqları və yeraltı depolama zonaları ilə təchiz edir.

Ağalar Ağalarlı
Ordu.az