Ordu.az xarici KİV-lərə istinadən xəbər verir ki, yeni model silah iki əsas prinsipial innovasiyaya sahibdir: nöqtə dəqiqliklə vurmağa imkan verən idarəetmə sistemi və 5-100 kiloton arası döyüş başlığı daşımaq.

ABŞ Hərbi Hava Qüvvələri onun uğurlu sınaqlarını həyata keçirib və onun dəqiqliyi sübut olunub. Bu, sözügedən nüvə bombasının 12-ci modifikasiyasıdır. Onun ilk versiyası 1960-cı illərdə hazırlanıb.

Bəzi ekspertlər isə bu silahın üzə çıxarılması ilə Rusiyanın da onun analoqunu hazırlamağa cəhd edəcəyini ehtimal edir. Çünki, onun F-35-lərə uyğun olması ilə birlikdə təhlükəlilik dərəcəsi çox yüksəkdir.

Rusiya Elmlər Akademiyasının professoru Vadim Kozyulin isə bu xəbərin Rusiyanın hərbi cəmiyyətində şok effekti yaratmadığını bildirib: “Hamı bu sınaqlardan uzun müddətdir ki, xəbərdar idi. Rusiya da eyni zamanda özünün nüvə arsenalını yeniləməklə məşğuldur”.

Ağalar Ağalarlı
Ordu.az