Ordu.az “Fox News”a istinadən xəbər verir ki, bu barədə ABŞ Xüsusi Əməliyyatlar Komandanlığının rəhbəri general Toni Tomas danışıb.
“Hazırda biz Suriyada olduqca aqressiv elektron müharibə ilə üz-üzəyik. Bizim düşmənlərimiz kommunikasiyalarımıza zərər yetirmək, AC-130-larımıza hücum etmək və s. addımlarla hər gün bizi sınayırlar”, - deyə Tomas qeyd edib.
Bəziləri bunun Rusiyanın ünvanına edilmiş çıxış olduğunu bildirsələr də, Rusiya bu iddiaları rədd edib.
“Rusiyanın ABŞ helikopterlərini qurcalamaqdansa, Suriyada məşğul olacağı başqa işlər var”, - deyə Rusiya Federasiya Şurasının müdafiə komitəsinin sədr müavini Yevgeniy Serebrennikov bildirib.
Ağalar Ağalarlı
Ordu.az
