ABŞ-nin İsraildəki keçmiş səfiri Den Şapiro bildirib ki, Donald Trampın İranla razılaşmağa məcbur olduğu saziş “zəif” olsa da, mümkün variantlar arasında ən az pisidir.

Ordu.az xəbər verir ki, o, bu barədə “X” sosial şəbəkəsində paylaşım edib.

Şapironun sözlərinə görə, bu müharibə bütün tərəfləri ilə düşünülməmiş idi.

O qeyd edib ki, nə aydın strateji məqsədlər vardı, nə də elan olunmuş məqsədlərin böyük hissəsinə məqbul xərclərlə çatmaq imkanı mövcud idi.

Keçmiş diplomat bildirib ki, hazırda haqqında danışılan razılaşma Trampın seçə biləcəyi variantlar içində daha az qorxulu olanlardan biridir.

Onun fikrincə, ən azı Tramp müharibənin daha da genişlənməsi yoluna getmir və bu da daha böyük qlobal iqtisadi böhranın qarşısını ala bilər.

Şapiro əlavə edib ki, ABŞ nə İranın ballistik raketləri, nə də Tehranın regional müttəfiqləri şəbəkəsi ilə bağlı heç bir nəticə əldə etməyib.

O, sazişi ABŞ maraqları üçün “qaranlıq gün” adlandırıb.

Sevinc Əliyeva
Ordu.az