Ordu.az xəbər verir ki, bu barədə CNN telekanalı mənbələrə istinadən məlumat yayıb.

Məlumata görə, mart ayında aviadaşıyıcıda baş verən yanğın Hərbi Dəniz Qüvvələrinin rəsmi açıqlamalarında göstəriləndən daha ciddi olub. Yüksəkvəzifəli ABŞ rəsmisinin sözlərinə görə, gəminin yanğınsöndürmə sistemi işləməyib və ekipaj üzvləri alovla özləri mübarizə aparmağa məcbur olublar.

Yanğını yalnız 30 saatdan sonra söndürmək mümkün olub. CNN-ə danışan dənizçilərdən biri bildirib ki, bir müddət gəmini itirəcəklərini düşündüyünü gizlətməyib. Telekanal xatırladıb ki, aviadaşıyıcıda digər ciddi problem kanalizasiya sisteminin sıradan çıxması olub.

USS “Gerald R. Ford” may ayında Virciniya ştatındakı Norfolk bazasına qayıdıb. Gəmi dənizdə rekord sayılan 11 ay xidmət aparıb.

Bu müddətdə aviadaşıyıcı Avropadan Karib hövzəsinə köçürülərək Venesuelada əməliyyatlarda iştirak edib, daha sonra isə Yaxın Şərqə göndərilib.

Sevinc Əliyeva
Ordu.az